د ښاري الکترونیکي سېستم جوړونې ریاست

ژوندلیک

مقصودی

عبدالصمد مقصودي په ۱۳۶۳ کال کې په دایکندي ولایت کې په یوه متدینه کورنۍ کې نړۍ ته سترګې پرانیستې. نوموړي د کابل پوهنتون څخه د کمپیوټر ساینس په برخه کې  د لیساسن سند ترلاسه کړی دی او خپله ماسټري یې د کمپیوټر د انجینیرۍ په برخه کې د شیراز په پوهنتون کې بشپړه کړې ده. 

کاري مخینه:

  • د مخابراتو او تکنالوژۍ وزارت سره د افغانستان د ملي هویت کارتونو په ملي پروژې کې تخنیکي لوړپوړی کارپوه
  • د افغانستان د حکومتولۍ سرچینو مرکز په پروژه کې چې د USAID له لورې یې مالي بسپنه ورکول کېده، د کورنیو چارو وزیر د برېښنایي حکومتولۍ لوړپوړی سلاکار
  • د کار، ټولنیزو چارو او معلولینو وزارت کې د معلوماتي ټېکنالوژۍ لوړپوړ سلاکار چې د USAID له لورې یې مالي بسپنه ورکول کېده
  • د مخابراتو او ټیکنالوژۍ وزارت کې د CIO (Chief Information Officer)  چې  د USAID له لورې یې مالي بسپنه ورکول کېده.
  • د عدلیې وزارت د معلوماتي ټیکنالوژۍ د خدمتونو د انسجام ډېپارټمنت مسوول
  • په خصوصي سکټور کې د معلوماتي ټيکنالوژۍ مدیر
  • د عدالت مجلې په برخه کې د عدلیې وزارت قراردادي کارکوونکی
  • د کډوالۍ پرمهال له هېواد څخه د باندې د امام سجاد (ع) خصوصي ښوونځي مدیر.

نوموړي پر رسمي دندې سربېره، په غیر رسمي وختونو کې په خصوصي پوهنتونو کې د کمپیوټر په برخه کې تدریس کوي. 

نوموړي په تخصصي برخه کې د پوهې او تجربې د ترلاسه کولو په موخه، څو ځلې چین، هند او متحده عربي اماراتو ته روزنیز سفرونه کړي دي.

مقصودي د "تاثیر انتخاب ویژګي ها در شخصي سازي جستجو در وب" تر سرلیک لاندې یوه علمي او څېړنیزه مقاله د برېښنا او کمپیوټر په درېیم نړیوال کنفرانس کې وړاندې او خپره شوې ده.

ښاغلي مقصودي د آزادې سیالۍ په پروسه کې د ګډون له لارې د ۱۳۹۸ کال د وري په ۸ نېټه د (   ) ګڼې فرمان له مخې د سیمه ییزو ارګانونو خپلواکې ادارې د ښاري الکترونیکي سېستم جوړونې رئیس وټاکل شو او په دې برخه کې خپل وطن ته خدمت کوي.