د ښاروالیو د معین پیژندنه

popal sb

 

 

 

 

 

 

 

ښاغلی عبدالباقي پوپل د ۱۳۹۴ل کال د دلوې په ۱۴مه نېټه د ۲۲۳۴ حکم له مخې د ولسمشر له لوري د افغانستان د ښارواليو مرستيال ټاکل شوی دی. ښاغلی پوپل پر دې پوست له ګمارنې مخکې د لسو کلونو له پاره د ملګرو ملتونو په هبيتات اداره کې د پروګرام د ارشد همغږي کوونکي او مدير په توګه دنده ترسره کوله. نوموړي په هبيتات اداره کې په ټوليزه توګه په ښارواليو کې د ښې حکومتولۍ د جوړولو او په ځانګړي ډول د غير رسمي استوګنځي د ښه والي له پاره، کار کړی. نوموړي د افغانستان په جنوب، د پروګرام د سيمه ييز مدير په توګه، په نهو ولسواليو کې د ملي پيوستون د پروګرام په ګډون د هبيتات ټول څو اړخيز پروګرامونه اداره او تنظيمول. پوپل همداراز د پرلپسې کلونو له پاره د ملګرو ملتونو د بشري استوګنځي په مرکز، د يونيسف په ادارو او د کډوالو له پاره د ملګرو ملتونو په عالي کمېشنرۍ، په کندهار ولايت کې دنده ترسره کوله.

پوپل د غير رسمي استوګنځي د تنظيم او ځمکې د مديريت په برخه کې د هالند د استوګنځي او ښاري پراختيا د مطالعاتو له انستيتيوت څخه د فوق ليسانس زده کړو د ديپلوم لرونکی، د پريستون پوهنتون (د پاکستان څانګه) څخه يې د سوداګرۍ د مديريت په برخه کې ماسټري او همداراز په مخابراتي چارو کې له کابل پوهنتون څخه تحصيلي درجه لري. ښاغلي پوپل په دې وروستيو کې له اتلانتيک نړيوال پوهنتون څخه دوکتورا هم اخيستې ده.