د تخنیکی او مسلکی ریاست

 

mhram sadat

ښاغلی سید محرم “سادات” د ۱۳۵۹ هجري لمریز کال د مرغومي په میاشت کې د ننګرهار ولایت په سرخرود ولسوالۍ کې نړۍ ته سترګې وغړولې. لومړنۍ زده کړې یې د عزیز افغان په لومړني ښوونځي او ثانوي زده کړې او د لیسې دوره یې په عبدالهادي داوي او ننګرهار لېسو کې سر ته ورسولې، تر فراغت او کانکور ازموینې وروسته یې د ننګرهار پوهنتون سیول انجینرۍ ته لاره ومونده او په ۱۳۸۴ لمریز کال له یادې پوهنځۍ څخه د لیسانس په درجه فارغ شو.  ښاغلي سادات له فراغت وروسته له USADI –IRD, EU-WSP Int.,UNFAO ادارو سره د سیول انجنیر او تخنیکي مشاور په توګه دندې ترسره کړې دي. نوموړی په ۱۳۹۱ کال کې د هغه مهال د ښاروالیو په عمومي ریاست کې د تخنیکي مشاور په توګه مقرر شو چې د نوموړي د لاس ته راوړنو له جملې د کارګرانو د روغتیا او خوندیتوب د تخنیکي کړنلارې جوړول، د ښاري خځلو د دفن کولو د ځای د طرحې لارښود جوړول او د افغانستان د ښارونو د پراختیا د طرحې وړاندې کول یادولای شو. نوموړي د یو تخنیکي کدر شخصیت په توګه د هېواد د ښاري سکتور په برخه کې د ډېرو مهمو قوانینو او پالیسیو لکه د ښاروالیو د نوي قانون، د استملاک نوي قانون، د ځمکوالۍ چارو د تنظیم نوي قانون، د ښار جوړونې او مسکن قانون، اوبو قانون او د غیرپلاني ساحو د ښه والي د پالیسۍ د تدوین او بیا کتنې په ټولو مهمو غونډو او ناستو کې ارزښتناک او کلیدي رول درلود. ښاغلي سادات په ۱۳۹۵ لمریز کال د سي.بي. آر تر ازموینې وروسته، د ۱۳۹۵ کال د سلواغې میاشتې د ۲۰ مې نېټې د ۳۹۲۱ مې ګڼې حکم په وسیله د سیمه ییزو ارګانونو خپلواکې ادارې د ښاروالیو د معینیت د تخنیکي او مسلکي رییس په توګه وټاکل شو او تر نن ورځې په همدې بست کې خپلو هېوادوالو ته په چوپړ بوخت دی.