د تحلیل او ارزونی مشاوریت

haqmal

نور الله حقمل د ۱۳۶۳ ه ش کال  د حمل د میاشتي په ۱۶ نیټه د پکتیکا ولایت د یوسف خیل ولسوالي د یوسف خیل په کلي کې نړۍ ته سترګي  غړولي.  لمړنۍ زده کړې یې د یوسف خیل په منځني ښونځي کي پشپړي کړي اوپه پای کي په ۱۳۸۴ کال کي د کابل د خوشال خان له عالي لیسې څخه فارغ شو. لوړي زده کړې یې په ۱۳۸۹لمریز کال کي د اقتصاد په برخه کې د لسانس تر کچې د هندوستان د بنارس په پوهنتون کې بشپړي کړې او همدا شان  د رسمي زده کړو تر څنګ یې د معلوماتي تکنالوژي په برخه کي  دوه کلنه دیپلومه یا  DIT  هم تر لاسه کړه.

له پوهنتون څخه تر فراغت وروسته یې په ۱۳۹۰ کال کې  د پوهني وزارت د تخنیکي او مسلکي زده کړو له معینیت سره د درسي کتابونو د ژباړي او د تدوین په برخه کي کار پیل کړ.

په ۱۳۹۳ کال کې د آزاد رقابت له لاري د پوهني وزارت په چوکاټ کي د زده کړو د کیفیت د ښه والي یا (EQUIP) په پروګرام کي د Learning assessment  د څیړنیز یونټ د ارزونو د مدیر په توګه بریالی شو او تر ۱۳۹۷ کال پوري په همدې دنده پاتي شو.

په ۱۳۹۸ لمریز کال کي د ازادي سیالي له لاري د ښوونیز نظارت د ارشد امر یا Senior academic supervision and  Learning assessment officer تر عنوان لاندي د پوهني زوارت په چوکاټ کي د EQRA په نامه د نړیوال بانک د یو بل ښوونیز پروګرام غړی و ګرزیدو.

په ۱۳۹۹ کال کي د افغانستان د اسلامي جمهوریت د سیمه ییزو ارګانونود خپلواکي اداري د عمومي رییس په بلنه خپله پخوانۍ دنده پریښوده او  د ولسمشر د حکم په اساس د سیمه ییزو ارګانونو د خپلواکي ادراي د ښاروالیو د معینیت په چوکاټ کي د ښاروالیو د تحلیل او ارزیابي د سلا کار په توګه په دنده و ګمارل شو.

ښاغلي حقمل له دولتي او غیر دولتي ادارو سره د کار کولو په اوږدو کې ګڼي لاسته راوړني لري چې له دې لړ څځه  د ادارې او حسابداري په برخه کي د ۱۷ عنوانه درسې  کتابونو د تالیف او ژباړي، همدا شان د پیسو د اقتصاد  یا Monitory economics، او نړیوال تجارت یا International trade په نومونو د د دوو کتابونو د تالیف ویاړ یې د یادوني وړ دی چې په نږدې را تلونکي کې به خپاره او د علم د مینه والو په واک کي ور کړل شي.